Ministri i Brendshëm Bledi Çuçi u shpreh se pavarësisht përplasjes dhe mënyrës se si anëtarët e MEK reaguan ndaj Policisë së Shtetit, nuk do të cënohet marrëveshja mes Qeverisë shqiptare dhe drejtuesve të këtij komuniteti.
Por, gjithsesi, Çuçi kërkoi një reflektim nga ana e anëtarëve të MEK në lidhje me sjelljen e tyre ndaj institucioneve shqipatre. Në lidhje me shkeljet që kishin kryer apo se për çfarë po hetohen, Çuçi deklaroi se kjo nuk është kompetencë e tij për ta thënë, por e Prokurorisë.
“Nuk kemi menduar ndonjëherë të prishim marrëveshjen. Thjesht ajo që ndodhi sot ka të bëjë me zbatimin e gjykatës. Marrëveshja duhet të vazhdojë, por sigurisht duhet të ketë dhe një reflektim nga ta me sjelljen ndaj institucioneve shqiptare, sepse me sjelljen e sotme treguan se nuk janë gati për zbatimin e ligjeve shqiptare. Ne do t’i mbrojmë, por presim dhe reagimin e tyre. Pra do jenë vetëm për qëllime humanitare.
Për atë se çfarë kanë bërë ata duhet të pyetet prokuroria. Nuk është kompetencë e imja për të thënë se çfarë krimi kanë kryer ata apo se për çfarë po hetohen. Duhet të pyesni Prokurorinë se çfarë krimi kanë kryer. Në lidhje me atë se ata nuk duan të kryejnë veprime politike, ata kanë bërë veprime poltike se disa prej tyre i kanë dhe publike, ata kanë botuar gazeta politike, por kjo ka qenë objekt i një diskutimi që ne kemi patur me ata në vazhdim.” deklaroi Bledi Çuçi.
