Dy vëllezër nga Tirana kanë rënë në prangat e policisë për vjedhje. Policia njofton se dy vëllezërit, 18 dhe 25 vjeç janë ndaluar pasi kanë vjedhur disa produkte në një market. Pas kontrollit në banesën e tyre, policia iu gjeti edhe një biçikletë, që dyshohet gjithashtu se ishte e vjedhur.
“Specialistët për Hetimin e Krimeve të Komisariatit të Policisë Nr. 1 ndaluan shtetasit A. Sh., 18 vjeç dhe K. A., 25 vjeç (vëllezër), të dy banues në Selitë, pasi dyshohet se në bashkëpunim me njëri-tjetrin, kanë vjedhur disa produkte në një market.
Gjatë kontrollit në banesën e tyre, shërbimet e Policisë gjetën një biçikletë të dyshuar të vjedhur, e cila u sekuestrua në cilësinë e provës materiale.“, njofton policia.
Materialet i kaluan Prokurorisë për veprime të mëtejshme.
