Kombëtarja shqiptare arriti të siguronte fitoren e parë ndaj Moldavisë për Kualifikueset e EURO 2024, në stadiumin “Air Albania”. Rreth 3 orë përpara kësaj sfide FSHF njoftojë se stadiumi do jetë plotë dhe se nuk ka më bileta.
Në këtë sfidë u vu re edhe prania e tifogrupit të Tiranës, Fanatics. Këta të fundit së bashku me Shvercerat e Shkupit u rikthyen në shkallët e stadiumit për të mbështetur kombëtaren pas shumë vitesh mungesë.
Ditën e sotme tifogrupi i Fanaticsave nëpërmjet një postimi në kanalin e tyrë zyrtarë në Facebook shkruan: TR-SHK në mbështetje të Kombëtares! Kënaqësi e veçantë që më në fund u krijua mundësia të këndojmë përkrahë njëri tjetrit për Kombin tonë! *Shifemi në organizimin e spektaklin e rradhës, më shumë e më të fortë…për Shqipërinë. 89/06 deri në fund!
Ky mesazh nga Fanaticsat lën të kuptohet se ata tashmë do të rikthehen në mbështetje të kombëtares për të gjitha ndeshjet që Shqipëria do të zhvillojë.
