Gazetarja Beti Njuma ka reaguar në lidhje me video-skandalin ku kryebashkiaku i Kukësit, Safet Gjici shfaqej duke kryer marrëdhënie seksuale me një vajzë në ambientet e zyrës së tij dhe SPAK ka nisur hetimet.
Në një postim në rrjetet sociale, Njuma i bën thirrje kreut të SPAK, Altin Dumanit që të mos merret me “allatet” e Safet Gjicit, por të ndjekë paratë, pasi ai ka marrë miliona euro tendera shtetërorë duke përdorur emra të dytë e të tretë të familjarëve.
“Me thënë të drejtën as nuk më hyn fare në sy afera seksuale e Safet Gjicit para aferave korruptive dhe tenderave shtetërorë që ka fituar një zyrtar lartë i shtetit. Para se të merret me veglat e një perversi që edhe zyrën e bashkisë e sheh si kullën e tij personale, SPAK-u duhet të merret me mbi 60 milionë euro tendera që ka marrë ky PUSHT-etar duke përdorur emra të dytë e të tretë të familjarëve. ZOTI DUMANI, NDIQ PARATË, JO ALLATET E GJICIT!”-shkruan Beti Njuma.
