Ka marrë zyrtarisht detyrën ditën e sotme kryebashkiaku i zgjedhur i Memaliajt, Albert Malaj, i cili në zgjedhjet lokale të 14 Majit garoi nën siglën e koalicionit opozitar “Bashkë Fitojmë”.
Në ceremoninë e betimit nuk ka munguar dhe kryebashkiaku humbës i PS-së, Gjolek Guci, i cili i ka dorëzuar detyrën kryebashkiakut të ri Albert Malaj. Guci e ka përcjellë Malajn prej sallës ku u mbajt mbledhja e parë e Këshillit Bashkiak e deri tek zyra duke ia dorëzuar detyrën kundërshtarit politik.
Albert Malaj në zgjedhjet e 14 majit fitoi kundrejt Gjolek Gucit të PS me 312 vota diferencë. Të djathtët rifitojnë çelësat e bashkisë së Memaliajt pas 12 vitesh.
Në mbledhjen e Këshillit Bashkiak të konstituar, PS-ja dhe aleatët e saj kanë 9 vende, Bashkë Fitojmë 4 vende, dhe PD 2 vende. Si nënkryetarin apo dhe përfaqësuesin e kësaj bashkie në Këshillin e Qarkut të Gjirokastrës, pozita i zgjodhi nga radhët e saj.
