Situata në veri vijon të jetë e tensionuar, ndërsa episode të tjera dhune janë raportuar nga mediat vendase këtë mesditë.
Mësohet se protestuesit serbë në Leposaviç kanë sulmuar me bomba molotov në drejtim të gazetarëve.Siç shihet nga pamjet, gazetari vrapon për të mos u lënduar.
Radio Televizioni i Kosovës ka publikuar videon nga momenti i sulmit.
Ndërkohë, në orët e para të mëngjesit të sotëm tre shpërthime të njëpasnjëshme janë raportuar në Veri, saktësisht në Mitrovicën e Veriut dhe Zveçan.Ngjarjet kanë ndodhur në intervalin e kohës prej orës 23:30 deri në orën 01:30 të mbrëmjes. Policia njofton se makina e efektivëve të cilët po patrullonin në këto komuna është sulmuar me gurë dhe dyshohet se drejt tyre është hedhur një shok-bombë.
