Kandidati i Koalicionit “Bashkë Fitojmë”, për Bashkinë e Kuçovës, në zgjedhet e 14 Majit, Lefter Maliqi, ka folur sërish ditën e sotme për ankimin në KAS.
Në një dalje për mediat, jashtë ambjenteve të KQZ, Maliqi shprehet se KAS po zvarrit ankimimin me urdhër politik.
Maliqi ka denoncuar edhe njëherë shkeljet që janë regjistruar në vendoret e 14 Majit, ku tregoi se janë mbi 700 pamje e video që sipas tij tregojnë edhe votime në grup, duke shtuar se KQZ i ka ndaluar t’i publikojnë.
Maliqi ndër të tjera shrehet se kamerat u lyen me sprajt për të shmangur filmimet, ndërsa KZAZ braktisi kutitë e votimit.
Maliqi: “Jam pranë KAS për sot në ditën e katërt pas vendimit politik të shprehur publikisht nga ana ime, sot e keni të mbyllur KQZ dhe KAS vetëm sepse kërkojnë të zvarrisin ankimimin për KAZA nr 64 bashkia Kuçovë për krimin e rëndë elektoral të faktuar me prova.
U bënë 6 seanca , në datë 12 pas vendimi paraprak të KAS për rrëzimin e një pike të hapjes së rinumërimit të votave ne sipas procedurës bëmë ankimimin. KAS këtë herë nxitoi me urdhër politik duke rrëzuar 4 me 1 të gjitha pretendimet në Bashkinë Kuçovë”. Ka mbi 700 votime në grup, në 8 qendra votimi janë bërë me sprajt kamerat dhe nuk dihet asgjë. Cfarë ndodh tjetër, nuk duken grupet e votimit.
