Një situatë e paprecedentë ndodhi një ditë më parë në komunën e Vushtrisë, ku si rezultat i reshjeve të dendura lumi Tërstena doli nga shtrati dhe vërshoi në rrugët e qytetit.
Duket se gjendja është përkeqësuar mëngjesin e sotëm, pasi Komuna e Vushtrrisë ka shpallur gjendjen e jashtëzakonshme, ndërsa ka apeluar ndaj qytetarëve që të kenë kujdes.
Në reagimin për media thuhet se situata nuk është e mirë, dhe orët në vijim pritet të jenë kritike.
“Pas vërshimeve të fundit që ndodhën në orët e mbrëmjes, situata në teren nuk është aspak e mirë sidomos me daljen nga shtrati të lumit Tërstena. Andaj ju apelojmë që të bëni kujdes të shtuar, pasi që orët në vijim mund të jenë kritike sidomos pjesa e qytetit. Kryetari i Komunës ka marrë vendim për të shpallur gjendje emergjente dhe ka krijuar një Shtab Emergjent i cili ka filluar punën në teren”, thuhet në njoftim.
