Një person i shpallur në kërkim për plagosjen e ndodhur një muaj më parë në Rrilë të Lezhës, është arrestuar.
Në pranga u vu Xhuljano Frroku 26 vjeç, banues në Lezhë.
“Më datë 08.05.2023, jashtë ambienteve të një bilardoje në Lezhë, pas një konflikti të çastit, për motive të dobëta, dyshohet se ka plagosur me armë zjarri, në këmbë, shtetasin Aleks Laska, 22 vjeç, banues në Rrilë”, njoftoi policia.
“Gjithashtu, për këtë rast u referuan materialet në Prokurori ku nisi procedimi në gjendje të lirë edhe për shtetasit Leandro Frroku, 29 vjeç dhe Agustin Shahini, 27 vjeç, të dy banues në Lezhë, pasi dyshohet se gjatë këtij konflikti, në bashkëpunim me të arrestuarin Xhuljano Frrok, kanë dhunuar fizikisht shtetasin Aleks Laska”, shtuan të njëjtat burime.
