Banorët në zonën e Freskut në kryeqytet janë trembur paraditen e kësaj të Mërkure nga një shpërthim, që sipas tyre, ka shkaktuar një zhurmë të madhe.
Në një njoftim zyrtar, policia e Tiranës sqaroi se u ccnaë gomat e një betoniere që punonte në zonë.
“Rreth orës 11:00, në segmentin rrugor Kinostudio-Fresk, nga një shtyllë tensioni është shkëputur një tel i energjisë elektrike dhe si pasojë e shkarkesës elektrike ka çarë gomat e një betoniereje, e cila ka qenë duke punuar”, njoftoi policia.
Grupi hetimor po punon për sqarimin e rrethanave të ngjarjes, ndërsa drejtoria Vendore e Policisë Tiranë kërkon mirëkuptimin e mediave që para se të publikojë lajme të kërkojnë informacion pranë DVP Tiranë, shtuan të njëjtat burime.
