Rrëshqitja e dherave në fshatin Dushar, në njësinë administrative Moglicë, ka lënë të bllokuar prej katër ditësh banorët e zonës.
Sipas informacioneve në këtë rrugë nuk po punohet më pasi është një zonë me probleme të mëdha hidrogjeologjike dhe vazhdon herë pas herë të ketë rrëshqitje në masë të dherave.
Sakaq sipas administratorit të zonës ka filluar puna për vënien në funksion të rrugës dytësore ekzistuese, pasi prej 4 ditësh kanë mbetur të izoluar rreth 100 banorë dhe për ndonjë emergjencë banorëve u duhet të lëvizin në këmbë.
