Disa prej kandidatëve për ambasador që kanë marrë pëlqimin e kryeministrit Edi Rama, zhvilluan një seancë dëgjimore këtë të Hënë në komisionin e jashtëm.
Mes tyre ishte dhe Mustafa Nano, është kandidat për ambasador në Zvicër, jo rezident.
A shprehur se dëshiron të jetë më aktiv dhe të kurojë marrëdhëniet mes dy vendeve. Kandidatura e tij nuk pati kundërshti nga deputetët e opozitës të pranishëm në mbledhje dhe për këtë, Nano tha se ndihet i ledhatuar dhe i llastuar.
Pjesë nga diskutimet
Mustafa Nano: Do doja të ishte një moment i veçantë në jetën time. Shpresoj që puna të jetë interesante. Në Zvicër ka një rreth të madh shqiptarësh. Do mbaj fokus të veçantë te detyra ime. Unë kam vendosur të jem më aktiv se ambasadorët e tjerë në botë. Unë do doja të isha më aktiv. Do doja që roli i ambasadorit të ishte më i madh. Do kuroj marrëdhëniet mes Shqipërisë dhe Zvicrës.
Deputeti Kreshnik Çollaku: Më vjen mirë që vuri theksin te diaspora. E nxis dhe me entuziazmoi dëshira për këtë risi në diasporë. Me keqardhjen e madhe që Tiranës do t’i mungojë një studio ku ne flasim
Deputeti Agron Gjekmarkaj: Jemi munduar që Zvicrës ti gjejmë ambasadorë të qetë. Duhet ti kishim marrëdhëniet me cilësore, ndoshta duke dërguar atje një zhurmues do ketë ndryshim. Më vjen mirë që kemi ambasador dikë që ka shkruar libra. Shpresoj që Shqipëria të fitojë një ambasador cilësor. Besoj se ai është njeri i lirë dhe do jetë shërbëtor cilësor i vendit tonë.
Mustafa Nano: Ndihem i ledhatuar dhe i llastuar që po pritem mirë. Nuk kisha dyshime.
