Ish-Presidenti i Milanit, Silvio Berlusconi ndërroi jetë ditën e sotme. Ish-tekniku i kuqezinjve, Fabio Capello nuk ka hezituar të flasë për takimin e parë me Berlusconin, duke e konsideruar atë si një njeri të rrallë.
“Një person unik, me forcë dhe karizëm që rrallë e kam parë te dikush tjetër. Shumëkush u përpoq të bëhej si ai, por nuk ia doli. Kishte instinktin e menaxherit dhe aftësinë që t’i gjente njerëzit e duhur për arritjen e objektivave të tij. Dinte si të zgjidhte”.
“Më kujtohet hera e parë kur u takuam në Milanello, më tha se donte ta bënte Milanin skuadrën më të fortë në botë dhe e arriti atë”.
“Berlusconi e krijoi Milanin. Ai mund ta kuptonte menjëherë se kush ishte i rëndësishëm dhe kush i kishte idetë e duhura, por edhe për çastet kur duhej të ndërhynte. Në të gjitha transferimet që i ka bërë, edhe lojtarët edhe trajnerët, rrallëherë ka gabuar” – Tha ai.
