Pavarësisht kufijve që ka, Interi bëri një rrugëtim të jashtëzakonshëm të Champions League, duke u ndalur vetëm në finale nga Manchester City (1-0).
Pas humbjes në Stamboll, nuk mungoi një intervistë e Presidentit të zikaltërve, Steven Zhang.
“Është pjesë e sportit të fitosh dhe të humbësh. Dua të falënderoj të gjithë stafin dhe lojtarët për një lojë të jashtëzakonshme. Dhe urime Cityt për sezonin e tyre. Jemi krenarë që luajtëm në këtë finale, kemi luajtur kundër më të mirëve dhe pa frikë kemi demonstruar cilësitë tona.
Mentaliteti i lojtarëve tanë është i nivelit të lartë dhe kjo duket. Ne nuk jemi inferiorë ndaj askujt. E ardhmja? Është një sezon pozitiv për të reflektuar. Tashmë kemi filluar të planifikojmë për të ardhmen, tashmë po punojmë për sezonin e ardhshëm. Lojtarët që kanë pasur një sezon të mirë do të vazhdojnë me ne” – tha ai.
