Dy shpërthime u regjistruan gjatë punimeve për ndërtimin e një qendre të re tregtare në Hamburg të Gjermanisë, duke plagosur dy punëtorë, raportuan mediat lokale.
Imazhet e filmuara nga kalimtarët tregojnë dy shpërthime të njëpasnjëshme dhe një re të madhe tymi që përfshiu kantierin e ndërtimit, e më pas u shpërnda në mbarë qytetin.
Zjarrfikësit shkuan në vendngjarje dhe treguan se shpërthimi erdhi si pasojë e rrjedhjes së gazit nga bombolat e vendosura në çati, raportojnë mediat gjermane.
Ndërkohë, auutoritetet për mbrojtjen civile iu kërkuan qytetarëve pranë zonës së shpërthimit që të mbajnë dyert dhe dritaret e mbyllura dhe për disa orë.
