Tre punonjës të policisë në Komisariatin e Policisë Gramsh janë pezulluar nga detyra. Ata akuzohen për shpërdorim detyre duke qenë se kanë lejuar ndërtime pa leje.
Efektivët e prekur nga masa janë:
– Inspektor T. R., 56 vjeç, me detyrë Ndihmës Specialist i Policimit në Komunitet;
– Inspektor R. M., 54 vjeç, me detyrë Ndihmës Specialist i Policimit në Komunitet;
– Inspektor L. Z., 52 vjeç, me detyrë Ndihmës Specialist i Policimit në Komunitet.
Agjencia e Mbikëqyrjes Policore njoftoi këtë të Premte se ekzekutoi urdhrin e Gjykatës së Elbasanit “Pezullimi i ushtrimit të detyrës a shërbimi publik”, kërkuar nga prokuroria, për tre policët.
