Seanca e sotme plenare në Kuvend, është shoqëruar me përplasje dhe tensione të shumta.
Një përplasje ndodhi edhe mes kryetarit të PD, Sali Berisha dhe kreut të grupit parlamentar të PS, Taulant Balla, ku ky i fundit harroi se ishte në Kuvend, dhe iu drejtua kryedemokratit me fjalor aspak të përshtatshëm.
‘Ti Sali do vazhdosh t’i hashë atë që s’thuhet Partisë Socialiste, ti kësaj i vjen anash’,- është shprehur Balla.
Kjo deklaratë nuk u prit aspak mirë nga deputeti i Partisë Demokratike Flamur Noka i cili kërkoi përjashtimin e Ballës nga seanca.
“Besoj se e di dhe ti, është zhargon i rrugës, nuk besoj se është fjalor që mund të përdoret në Kuvend, duhet të flasim për halle. Ndërhyni, merrni masa, unë kërkoj që të përjashtohet urgjentisht, parafolësi. Gjuha e rrugës nuk mund të jetë gjuhë që të prevalojë në Kuvend”,- u shpreh Noka.
