Atentati në Don Bosko, ku humbi jetën Mimoza Paja dhe u plagosën 6 të tjerë vijon të jetë në sitën e hetimeve ndërsa detaje të reja kanë dalë në dritë.
Mësohet se policia e shtetit shqiptar ka dërguar disa letërporosi drejt shtetit gjerman por edhe kosovës aty ku dyshohet se kanë lëvizur personat e tjerë të përfshirë në ngjajre. Burimet thonë se bëhet fjalë për 2 autorë të cilët në bashkëpunim me njëri-tjetrin kryen atentatin.
Burime thonë se policia është afër dokumentimit të plotë të ngjarjes e cila u regjistrua mbrëmjen e 13 marsit në lokalin e Fatjon Muratit. Ngjarje e cila la pas një viktimë të pafajshme, Mimoza Pajën e cila punonte si kamariere dhe u plagosën 6 të tjerë, mes tyre dhe mbesa e mitur e viktimës dhe të afërm të Fatjon Muratit. Ky i fundit i shpallur në kërkim për shkak se ka thyer masën e sigurisë arrest me burg, gjë e konstatuar nga policia pak pas ngjarjes më 13 mars.
