Deputetët Oriela Nebiaj dhe Flamur Hoxha kanë dhënë dorëheqjen nga kryesia e Partisë Demokratike së vulës dhe funskionet në parti pas mbledhjes që u zhvillua mbrëmjen e djeshme, e cila zgjati rreth 10 orë.
“Kam dhënë dorëheqjen si sekretar organizativ rjedhimisht dorëheqje nga kryesia si anëtar kryesie nga posti i sekretarit organizativ pasi nuk jam në lartësinë e asaj kryesie”, është shprehur Hoxha për mediat.
Kryesia e Partisë Demokratike zhvilloi dje një mbledhje për të diskutuar rreth mënyrës se si do të drejtohej partia dhe për datën e caktimit të zgjedhjes së kryetarit të ri të saj. Mbledhja u shoqërua me debate dhe tensione të shumta.
Disa deputetë u larguan duke e konsideruar vendim të njëanshëm përcaktimin e një date për zgjedhjen e kryetarit të ri të PD.
Kryesia vendosi hapjen e procesit zgjedhor dhe mbajtjen e zgjedhjeve për Kryetarin e PD me datë 29 korrik 2023. Vendimi u miratua me 17 vota pro.
Lexo edhe:
VIDEO – Mbledhja e PD-së së vulës, mbështetësit e Bashës tentojnë të godasin deputetët
