Një sanitare shkolle, e cila u shfaq në një video të trasnmetuar në një emision televiziv duke u kërcënuar nga kryebashkiakja e Roskovecit Majlidnda Bufi pse mori pjesë në një miting të opozitës, është paraqitur në SPAK.
Raportohet se zonja është thirrur këtë të Mërkurë për të dëshmuar në kuadër të hetimeve që po zhvillohen për çështjen.
Muajin e kaluar, Partia Demokratike ka depozituar një kallëzim penal në SPAK ndaj kryetares së bashkisë së Roskovecit, Majlinda Bufit.
Opozita e akuzon Bufin për veprat penale “Shpërdorim detyre” dhe “Kanosje apo dhunim ndaj pjesëmarrësve në zgjedhje”.
Në kallëzim shpjegohen shkeljet që sipas PD, kryebashkiakja e Roskovecit ka kryer me dashje dhe personalisht gjatë fushatës zgjedhore kundër punonjësve të administratës publike për t’i penguar ata të votojnë lirisht – shkelje si kërcënime, presione dhe shantazhe.
Më tej në kallëzim, që bazohet në emisionin investigativ “Piranjat” në SYRI TV, thuhet se kryebashkiakja që kandidon për një mandat të dytë në drejtimin e Roskovecit, diskriminon arsimtaren Dhurata Malka për shkak të bindjeve politike dhe intimidon sanitaren në shkollën e fshatit Suk.
Lexo edhe:
Skandali/ Majlinda Bufi kërcënon sanitaren se mori pjesë në mitingun e opozitës
