Ecuria e skuadrave italiane në kompeticionet europiane e ka rikthyer lëvizjen e futbollit italian në qendër të vëmendjes së mediave në vende të tjera. Luigi De Siervo, CEO i Lega Serie A, ka dhënë një intervistë për gazetën spanjolle AS duke zbuluar risitë e ardhshme.
“Po krijojmë një produkt më interesant, – rrëfen De Siervo – po punojmë për cilësinë e tij, koha efektive e ndeshjeve është rritur dhe sot arrin në 66%, 33% e mbetur duhet të vlerësohet, që duhet të jetë më tërheqëse.
“Fondet ndërkombëtare kanë nisur negociatat me Italinë sepse ne jemi kampionati me më shumë potencial, duke qenë se kemi qenë më të mirët prej dekadash. Duhet të përmirësohemi në stadiume, por bukuria e qyteteve tona dhe historia që ato sjellin është unike.
“Ne synojmë të marrim nga 1,150 deri në 1,380 milionë euro në sezon për Italinë, – nënvizon CEO Luigi De Siervo, – ne duam të rrisim të ardhurat që vijnë nga jashtë dhe jemi duke negociuar me ndërmjetës dhe fonde për të tregtuar dhe shpërndarë kanalin e Serisë A , i cili në këtë rast do të ishte gati brenda një viti.
“Për më tepër, ne kemi lidhur një marrëveshje për 10 milionë euro në sezon me qeverinë: kampionati ynë jashtë Italisë do të quhet Serie A Made in Italy”.
