Hamburg është mundur sërish nga Stuttgart, teksa në ndeshjen e kthimit të vlefshme për një vend në sezonin e ardhshëm të Bundesliga u mundën me rezultatin 1 me 3, duke e çuar kështu rezultatin total të 2 përballjeve në 6 me 1 për skuadrën e Stuttgart.
Pavarësisht se Kittel shënoi i pari për vendasit në “Volksparkstadion” të Hamburgut, skuadra e Stuttgart arriti të përmbysë gjithçka në pjesën e dytë, me një dopietë të Millot në minutat 48’ e 64’, e cila u pasua nga goli i kongolezit Silas, në minutën 97’-të të sfidës, duke vulosur kështu rezultatin 1 me 3.
Pas kësaj arritjeje, Stuttgart shpëton nga rënia nga Bundesliga 2, teksa do të militojë sezonin e ardhshëm sërish në elitën e futbollit gjerman. Ndërkaq, skuadra e Hamburg “përmbys” sërish gjithçka në fundin e sezonit, për të vazhduar “aventurën” në kategorinë e dytë të futbollit gjerman.
