Një makinë është sulmuar gjatë natës në Shëngjin, teksa ka qënë e parkuar poshtë një pallati.
Mësohet se makina është në pronësi të shtetases, Alida Haxhia, ish-kandidate e PD-së për Këshillin Bashkiak Shkodër.
Autorët ende nuk janë identifikuar, ndërsa nuk dihen shkaqet dhe rrethanat e rastit.
Siç duket edhe nga pamjet, makinës i janë thyer të gjithë xhamat.
Ndërkohë në një prononcim për mediat, vetë Haxhia ka deklaruar se nuk ka konflikt me askënd dhe nuk e di kush e ka bërë. Policia po punon per zbardhjen e rrethanave të rastit.
Alida Haxhia ka qenë kandidate për Këshillin Bashkiak të Shkodrës nën siglën e Partisë Demokratike në zgjedhjet e 14 majit. Ajo ka qenë e renditur në pozicionin 52.
