Në Komisionin e Ankesave dhe Sanksioneve janë rinumëruar 3 Qendra Votimi për bashkinë e Elbasanit, ku më 14 maj votimi dhe numërimi u bë në mënyrë elektronike.
Relatori i KAS u shpreh se pas rinumërimit rezultati nuk ka ndryshuar, pasi votat elektronike për secilin kandidat përputhen me ato fizike.
“U rivlerësuan fletët fizike në QV 2373/1, 2481/1 dhe 2483/00. Nga rinumërimi i fletëve fizike për kryetar bashkia rezulton se ato përputhen me rezultatin e transmetuar nga sistemi elektronik. Në QV 2373/1 rezultati ishte për Gledjan Llatjan 161 vota dhe aq ka rezultuar në fletët fizike, për Luciano Bocin 144 ishin dhe po kaq kanë rezultuar nga votimi fizik, vota të pavlefshme ishin 7 dhe po aq janë. Për QV 2481/1 rezultati për Gledjan Llatjan ishte 136 dhe po aq është me rinumërimin fizik. Për Luciano Bocin ishte 113 dhe nga fletët fizike janë po 113. Të pavlefshme ishin 8 janë po 8. Për QV 2483/00 numri i votave për Gledian Llatjan ishte 189 dhe aq është nga fletët fizike. Ndërsa për Luçiano Bocin ishte 90 dhe është 90 me fletët fizike. Vota të pa vlefshme janë 7”, tha Ledio Braho.
Zgjedhjet në bashkinë e Elbasanit u fituan nga Partia Socialiste. Kandidati i saj përkryebashkiak, Gledian Llatja mori 56.38 % të votave, duke mundur rivalin e tij Luçiano Boçi nga koalicioni ‘Bashkë Fitojmë”. Edhe në zgjedhjet për këshillin bashkiak në Elbasan, PS u shpall fituese, pasi siguroi 49.7 % të votave dhe 28 mandate nga 51 gjithësej.
Pas vendimit, reagoi dhe deputeti demokrat Edi Paloka, i cili shprehet se rinumërimi i votave nuk mund të zbulonte manipulimin sipas tij, të zgjedhjeve.
Manipulimi i pajisjes eshte bere qe ne votim ku sic u kap rasti ne Elbasan dhe ne Kamez, votohej kandidati i opozites dhe vota ne fakt rezultonte per kandidatin e rilindjes. Ashtu dilte vota dhe e printuar ne leter dhe binte ne kuti pa e verifikuar dot ai qe votonte. Keshtu qe asgje nuk mund te vertetohej nga numerimi i fleteve ne kuti. Ne kuti jane fletet me voten e manipuluar.
“Manipulimi i pajisjes eshte bere qe ne votim ku sic u kap rasti ne Elbasan dhe ne Kamez, votohej kandidati i opozites dhe vota ne fakt rezultonte per kandidatin e rilindjes. Ashtu dilte vota dhe e printuar ne leter dhe binte ne kuti pa e verifikuar dot ai qe votonte. Keshtu qe asgje nuk mund te vertetohej nga numerimi i fleteve ne kuti. Ne kuti jane fletet me voten e manipuluar. I vetmi verifikim qe u kerkua dhe duhej bere ishte qe ne prani te paleve te votohej me ato pajisje te pakten 30-40 vota per kandidatin e opozites dhe te verifikohej ne se rezultonin te tilla votat edhe ne rezultatin final, perfshi fleten qe binte ne kuti. Ky verifikim duhej bere pa u kontrolluar prape pajisjet nga “mjeshtrat” dhe te rikalibroheshin”, shkruan Paloka në një postim në FB.
