Karim Benzema nuk do të jetë më një lojtar i Real Madrid. Francezi, në fakt, ka vendosur të largohet nga Bernabeu në fund të këtij sezoni.
Sipas ekspertit të merkatos, Fabrizio Romano, Topi i Artë 2022, ia ka komunikuar vendimin e tij klubit mëngjesin e sotëm.
Kontrata e tij në Arabinë Saudite do të ketë një vlerë rreth 100 milionë euro në sezon, plus të ardhura nga reklamat dhe marketingu.
Është fundi i një epoke te Real Madrid me lojtarin më fitues në historinë e klubit që ka marrë vendimin të largohet.
Sulmuesi francez do ta zyrtarizojë largimin e tij nga Bernabeu me një konferencë për shtyp që do të zhvillohet ditën e martë.
Në 647 ndeshje në total me fanellën e Real Madrid, Benzema ka shënuar 353 gola dhe ka asistuar 165 herë. Ai gjithashtu fitoi edhe “Topin e Artë” me “Los Blancos”.
🚨 BREAKING: Karim Benzema LEAVES Real Madrid. Official statement confirms club and player decision. #Benzema pic.twitter.com/633WRATTYP
— Fabrizio Romano (@FabrizioRomano) June 4, 2023
