Shkrirja e Akademisë së Albanologjisë dhe dërgimi i saj pranë Akademisë së Shkencave, ka qënë një ndër temat më të diskutuara së fundmi.
Ky vendim i qeverisë ka sjellë debate dhe përplasje në lobet akademike, ndërsa për arkeologun Neritan Ceka ky vendim është i drejtë.
I ftuar në “Panorama TV”, Ceka u shpreh se kthimi i Studimeve Albanologjike në Akademinë e Shkencave është identitar, ndërsa iu është ‘hakërryer’ kolegëve të tij duke thënë se “me qeverinë të mos kruhen”.
Neritan Ceka: “Me largimin e tyre ASH u dobësua dhe u bë akademia e qokave, edhe këta ranë në shi dhe breshër dhe mbeten pa fonde dhe u bënë për të qarë hallin. Tani çfarë po ndodh? ASH mori veten.
Janë ca që kanë kapur projektet dhe profesoratin dhe duan ta mbajnë kështu. Unë jam i familjes por nuk mund t’ja lë kolegëve të mi që të marrin peng, jo një institucione që ka nisur me babain tim, ka vazhduar me mua dhe vazhdon me vajzën time.
Këta duan ta privatizojnë. Ta mbyllim këtë histori. Kjo është këshilla ime “me qeverinë këta nuk kanë pse kruhen” sepse qeverisë këta nuk i kanë çuar asnjë dokument sesi duhet të bëhej. Kanë pritur nga qeveria, si të gjitha që presin ata që nuk dinë nga bie rruga. Në vend që ta kuptojnë që qeveria e ka mirë, unë nuk kam qene adhurues i kësaj qeverie, por në këtë rast kjo qeveri ka bërë një veprim kombëtar.
Tani bashkohet familja e madhe e studiuesve dhe kanë nevojë të shohin si do veprohet. Të ulemi dhe të shohim si të bëjmë shkencë kombëtare. Duhet të jetë një Akademi moderne. Të shkojmë një javë në Vjenë, një javë në Zagreb, Sofje të shohim si punojmë.
Ata kanë një akademi shumë të mirë dhe shimë të fortë, por në programin me Shqipërinë janë në rrugë të gabuar dhe kundër nesh. Ne nuk jemi nacionaliste.
Unë jam një pensionist që përtej pensionit drejtoj një seksion të Akademisë. Mos qahen sepse janë pjesë e grupit.
Ikin nga gjykata, lëvizni nga karriget dhe hajdeni të punon.
Këta janë studentët e mi. Asnjë nga këta nuk e thotë që janë studentet e Neritan Cekës. Këta e kanë filluar historinë nga vetja e tyre. Edhe albanologjiken e fillojnë nga vetja e tyre”.
