Deputeti i Partisë Demokratike Flamur Noka është paraqitur sërish në SPAK të premten.
Thirrja e Nokës në Prokurorinë e Posaçme mendohet se ka lidhje me kallëzimet tij mbi krimet zgjedhore.
Kjo është hera e dytë brenda pak ditësh që deputeti i PD pyetet në prokurorinë e posaçme në cilësinë e kallëzuesit dhe personit që ka dijeni për ngjarjen.
Pak javë më parë deputeti Noka ka kallëzuar penalisht në SPAK kryetaren e bashkisë së Roskovecit, Majlinda Bufin.
Sipas Nokës, kallëzimi është bërë për dy vepra penale nga ana e Bufit: “Shpërdorim detyre” dhe “Kanosje apo dhunim ndaj pjesëmarrësve në zgjedhje”.
