Vetingu në polici ka rikthyer seancat pas një mungese gati 1-vjeçare.
Me një vendim të datës 24 Maj, trupa e vlerësimit e Agjencisë së Mbikëqyrjes Policore, e përbërë nga: Suela Bulku Kryesuese, Arben Sefaj-Relator dhe Denisa Sina-Anëtar, vendosi shkarkimin nga detyra të kryepolicit të Lezhës Vehbi Bushati.
Në një njoftim nga AMP bëhet me dije se “subjekti i Vlerësimit Z. Vehbi Bushati me detyrë Drejtor i Drejtorisë Vendore të Policisë Lezhë nuk ka plotësuar dhe dorëzuar formularët e deklarimit të Pasurisë, deklaratën e Kontrollit të Figurës dhe formularin e Vlerësimit të Aftësive Profesionale”.
Në këto kushte, trupa gjykuese ka vendosur shkarkimin nga detyra të Vehbi Bushatit.
