Korabi është vetëm një ndeshje larg ngjitjes në Superiore. Dibranët triumfuan në finalen e “play off” ndaj Flamurtarit me rezultatin 2-1 dhe tani do të luajnë me vendin e tetë të Superiores, për të përcaktuar skuadrën që do të luajë në elitë për sezonin e ardhshëm.
Heroi i Korabit, ishte sulmuesi Albers Keko, i cili shënoi dy herë, në minutat 45 dhe 101. Golin e vetëm për Flamurtarin e shënoi Kondaj në minutën e 81.
Tjetër zhgënjim për vlonjatët, që do u duhet të luajnë në Kategorinë e Parë edhe për sezonin e ardhshëm.
