Një 13 vjeçar, i cili u raportua i zhdukur mbrëmjen e djeshme nga i vëllai, u gjet i pajetë në liqenin e fshatit Shumbat në Dibër.
Dyshohet se i mituri pësoi infarkt si pasojë e ujit shumë të ftohtë.
Familjarët kanë kërkuar rreth fshatit, më pas u janë bashkuar edhe banorët por nuk kanë mundur ta gjejnë. Rreth orës 19:30, Ardi Sulejmani, xhaxhai i 13 vjeçarit ka njoftuar policinë dhe rreth orës 23:30 kanë mundur të nxjerin trupin nga liqeni, i cili ndodhet rreth 300 metra sipër fshatit.
Në fillim kanë gjetur shapkat e lëna tek diga, pastaj kanë nisur kërkimet në ujë. Banorët i ka ndihmuar edhe një çift gjerman që kishin ngritur kampingun në krahun tjetër të liqenit, të cilët u kishin thënë se kishin parë një djalë që po lahej rreth orës 17:00.
