Një ngjarje e rëndë ka ndodhur një ditë më parë në Dibër, ku një 13-vjeçar është gjetur pa jetë në një liqen në fshatin Shumbat.
Trupi i pajetë i të miturit është gjetur nga banorët e zonës, të cilët kanë treguar ditën e sotme detaje mbi ngjarjen.
Banorët dyshojnë se ai mund të jetë mbytur aksidentalisht pasi mund të ketë rrëshkitur në pjesën anësore të liqenit e cila është prej betoni.
“Ishin pantoflat dhe çorapja dhe nisëm kërkimin me elektrik mu këtu. Shikoni çorapen e djalit. Erdhi çuni këtu dhe ka hyrë. E kërkoi gjithë rinia e fshatit. Nga çorapja nisëm të kërkonim. U hodh një çun i ri, e pa, thirri ambulancën. Babain e ka në emigrim.”-tha banori.
Por ky nuk është rasti i vetëm pasi banorët tregojnë se edhe më parë në këtë liqen janë mbytur edhe 2 fëmijë të tjerë të moshave 14 e 15 vjeç.
“E ka kërkuar nëna, e nisën ta kërkonin të gjithë. Shkoi vetë. Janë mbytur dhe disa fëmijë të tjerë në këtë lagje. Kur doli te xhamia ka rënë, sesi e ku, u mblodhën krejt.”,-u shpreh një banore tjetër e zonës.
Policia e Dibrës ka nisur hetimet për rastin.
