Guvernatori i Floridas, Ron DeSantis do të shpallë nesër kandidaturën e tij nga radhët e republikanëve gjatë një eventi me Elon Musk.
Shefi i Twitter do të organizojë një takim nesër pasdite në orën 18:00 ku më pas do të shfaqet dhe një video që shpall fushatën e Ron DeSantis.
Kandidatura e guvernatorit pritet të jetë më e forta përballë ish-presidentit Donald Trump në radhët e republikanëve, i cili gjithashtu kërkon të marrë mandatin e partisë për të synuar sërish Shtëpinë e Bardhë.
NBC raportoi se ngjarja do të moderohet nga sipërmarrësi i teknologjisë David Sacks, një mbështetës i zotit DeSantis.
