Ish-deputeti Lefter Maliqi deklaroi se fitorja e pozitës në Kuçovë erdhi si pasojë e një krimi të rëndë elektoral.
“Në bashkinë e Kuçovës u bënë bashkë demokratë e socialistë të ndershëm duke thyer për herë të parë pas 33 vitesh një bastion të keqpërdorur nga e majta, duke lënë Kuçovën qytetin e fundit në Republikë sa i takon zhvillimit, infrastrukturës, etj”, tha kandidati i opozitës për Bashkinë e Kuçovës në një emision televiziv.
“Në Kuçovë ndodhi një krim i rëndë shtetëror dhe elektoral, për shkak se banorët e Kuçovës në bashkëpunim me mua bënë të mundur që të thyenim dyshen Çuçi-Salillari. Një rakordim i kësaj dysheje në mënyrë të pabesë duke përdorur banda e drejtues e ish-drejtues policie që u denoncuan nga ana ime,” shtoi ai.
