Një konflikt i ndodhur në Kishën e Laçit ka pasuar me përplasje fizike mes shitësve ambulantë dhe rojes së Kishës i cili është dhunuar rëndë.
Përgjegjësi i ruajtjes së Kishës së Shën Ndout në Laç, Gjon Shkambi, ka denoncuar rastin në polici.
Gjon Shkambi thotë se tregtarët ambulantë shesin në mënyrë të paligjshme duke shfrytëzuar me forcë pjesë të territorit të Kishës që posedohet me dokumentacion të rregullt nga Kisha Françeskane, Zoka Nunciate.
Në një intervistë të dhënë për mediat, Gjon Shkambi ka thënë se kërkon nga policia, shteti dhe Bashkia e Kurbinit që të ndërhyjë për të parandaluar një përkeqësim të situatës, në mënyrë që të mos kalohet në vetëgjyqësi.
Problematika mes Kishës dhe tregtarëve ambulantë vijoj prej disa vitesh, ndërsa asnjë nga institucionet nuk ka dhënë asnjë zgjidhje deri më tani.
Më poshtë pamjet nga dhuna e ushtruar ndaj rojes:
