Behiratche ishte një nga mungesat e rëndësishme të Tiranës në 3 sfidat e fundit. Mbrojtësi u dënua me 5 ndeshje nga komisioni i Disiplinës për shkak të një gjesti antisportiv në duelin me Teutën.
Tashmë shtatlarti ka bërë 3 javë që vuan dënimin dhe tashmë të kryeqytetasit po mendojnë ta rikthejnë në fushë.
Orges Shehi kërkon që ta ketë skuadrën e plotë për dy ndeshjet e ardhshme, pasi ky është dhe “sprinti” i fundit për titullin.
Në këto kushte drejtuesit po përgatisin porcedurat për të shlyer dënimin e Behiratches për dy sfidat e ardhshme.
Nëse klubi arrin të paguajë për të atëherë mbrojtësi do të jetë një alternativë e shtuar për Shehin ndaj Bylisit ditën e enjte dhe ndaj Erzenit të hënën e ardhshme.
Formacioni i mundshëm i Tiranës ndaj Bylisit nëse rikthehet Behiratche:
Tirana: Bekaj, Behiratche, Najdovski, Lulaj, Haxhiu, Deliu, Aleksi, Hila Përgjoni, Hasani, Abazaj.
