Kryeminiatri Edi Rama tha këtë të martë se braktisja që sipas tij, i bënë të djathtës simpatizantët e saj të ndershëm në 14 Maj, është shërbim i madh për Shqipërinë dhe vetë të djathtën.
“Braktisja që i ka ndodhur atyre të tjerëve nga të djathtët e ndershëm, nga ata që e vuajnë sinqerisht çështjen e së djathtës dhe që ne nuk na njohin me sy është shërbim i madh për Shqipërinë dhe vetë të djathtën”, tha Rama nga Lezha, ku u ndal në kuadër të një turi paszgjedhor.
“Duke i shkuar mbrapa deri në humnerë atyre që e mbajnë flamurin e së djathtës dhe që nuk duhet ta mbajnë atë flamur thjesht shtyhet agonia. Duke i braktisur ndihmohet edhe rilindja e së djathtës. Por rilindjen e së djathtës nuk e kemi ne për detyrë ta bëjmë, të kuptohemi. Ne kemi për detyrë të vazhdojmë të bëjmë rilindjen e Shqipërisë”, shtoi.
