Carmelo Anthony, pikëshënuesi i nëntë më i mirë në historinë e NBA-së, është tërhequr nga basketbolli pas 19 sezonesh. 38-vjeçari e bëri njoftimin e tij në rrjetet sociale mëngjesin e kësaj të hëne.
Anthony ka qenë 10 herë pjesë e All-Star dhe ka shënuar 28 289 pikë me gjashtë ekipe të ndryshme në karrierën e tij.
38-vjeçari Anthony është tri herë fitues i medaljes së artë olimpike me SHBA-në. “Melo” e ka skalitur emrin si një nga gjuajtësit më të mirë në NBA gjatë 20 viteve të fundit.
Gjatë karrierës së tij, Anthony përfaqësoi Denver Nuggets (2003-11), Neë York Knicks (2011-17), Oklahoma City Thunder (2017-18), Houston Rockets (2018-19) dhe Portland Trail Blazers (2019-21).
Ai u rendit i 3-ti në draftit e legjendarëve në vitin 2003, ku përfshiheshin gjithashtu LeBron James dhe Dwyane Wade. Mesatarja e karrierës së tij në NBA është 22.5 pikë, 6.2 “rebound” dhe 2.7 asistime në 1260 ndeshje.
