Personi në foton e mëposhtme është 23-vjeçari Arsen Rama, i riu që dyshohet se është i infiltruari i policisë në çështjen Beleri.
‘Euronews’ raporton se 23-vjeçari, 3 vjet më parë është arrestuar për mashtrim.
Ky person, është paraqitur me vullnet të lirë në 8 maj duke dhënë informacione se në Himarë disa persona po blejnë vota me shuma nga 50-200 euro. Më pas ai ka pranuar të bashkëpunojë me policinë duke iu vendosur në trup pajisje përgjimi dhe audio.
Ditën e sotme, vëllai i Ramës, Abdul Rama me zë dhe figurë sqaroi se me Belerin kanë pasur vetëm marrëdhënie pune, duke mohuar përfshirjen në këtë çështje. Ata shisnin peshk në restorantin e tij dhe nuk kanë folur ndonjëherë për votimet.
Rama ka sqaruar se Fredi Beleri, i ka ndihmuar si familje, pasi kanë pasur marrëdhënie punë.
“Me Fredi Belerin raport miqësor kemi pasur të gjithë. Për ne ai është një mik i mirë. Personi i dyshuar në këtë dosje ka pasur marrëdhënie pune, i conte peshk tek dyqani i tyre. Nuk është diskutuar kurrë kjo pjesë e lekëve apo e votave”.
