Kreu i IKMT në Vlorë, Simbol Pazaj raportohet se është shkarkuar nga detyra.
Sipas News 24, shkak për shkarkimin dyshohet se ka qenë një aksion ndaj një hoteli në Dhërmi.
Hoteli në fjalë ishte i një prej numëruesve të Fredi Belerit, ndërsa familjarët e quajtën aksionin hakmarrje politike.
“Është shkarkuar sepse duhej ta kishte shembur para zgjedhjeve hotelin, kur u konstatua kati pa leje”, citon televizioni burime konfidenciale.
Postin si Drejtor i Inspektoriatit Kombëtar të Mbrojtjes së Territorti Vlorë, Pazaj e mori në nëntor të vitit 2020, ndërsa më herët, ka qenë zv.kryetar i Bashkisë së Himarës.
