Kujtimet me Gjemaninë naziste tanimë mbeten vetëm pjesë e filmave dhe dokumentarëve, teksa shteti më i fuqishëm i eurozonës, është shkëputur nga hija e diktatorit famëkeq.
Por në Shqipëri, e më konkretisht në Mat duket se paska ende nostalgjikë të nazizmit, pasi në këshillin bashkiak të qytetit do të hyjë Hitleri.
Nuk bëhet fjalë për liderin e nazistëve, por një të ri nga Mati, me të njëjtin emër i cili është bërë pjesë e këshilltarëve në këtë bashki.
Hitlet Kurti ka arritur të marrë 545 vota në zgjedhjet e së dielës duke kandiduar nën siglën e Frymës së Re Demokratike, çka i mundëson atij të bëhet pjesë e këshillit.
Sakaq, Mati është një nga bashkitë e fituara nga Partia Socialiste. Kandidati i saj mori gati dyfishin e votave të rivalit të tij nga koalicioni “Bashkë Fitojmë” Skënder Gjuci.
Ndërkohë që socialistët kanë edhe shumicën në Këshillin Bashkiak, ku 21 mandatet ndahen si më poshtë: 9 PS, 3 PSD, 2 BF, 2 PD, 1 PAA, 1 PDS, 1 FRD, 1 AAK, 1 ADK.
