Është zbardhur disa orë pas aksidentit të rëndë që ndodhi mbrëmjen e djeshme në dalje të qytetit të Lezhës, emri i viktimës.
Mësohet se nga përplasja me makinën që udhëtonte në drejtim të Shkodrës, ka mbetur i vdekur 50-vjeçari Zef Kacoli, nga Puka.
Këmbësori ka qenë duke lëvizur në anë të rrugës, kur u përplas për vdekje nga një automjet, drejtuesi i të cilit është arrestuar nga policia.
Menjëherë pas aksidentit 50-vjeçari u nis drejt Spitalit të Traumës, por për shkak të plagëve të marrë ndërroi jetë gjatë rrugës.
