Deputetët e PD-së dalin kundër kërkesës së Enkelejd Alibeaj për mbledhjen e kryesisë.
Dy ditë më parë kur dha dorëheqjen Alibeaj shtoi në fund të fjalës së tij se të premten në orën 12:00 do të mblidhte kryesinë.
Mediat paraditen e sotme raportojnë se deputetë të caktuar, që janë pjesë e grupit parlamentar të PD-së deklarojnë se Alibeaj duke dhënë dorëheqjen nuk ka më kompetencën të thërrasë forumet e partisë, pasi nuk është më kryetar i komanduar.
Ndërsa disa deputetë të tjerë ngrenë supet dhe thonë se nuk kanë marrë asnjë njoftim për mbledhjen e sotme në mesditë.
Për rrjedhojë burimet mediatike konfirmuan se mbledhja e thirrur nga Alibeaj nuk do të zhvillohet. Kjo për shkak se Alibeaj s’ka kompetencë ta thërrasë se sepse asnjë anëtar i Kryesisë nuk është lajmëruar dhe mbledhja është anuluar.
