Pushuesit në plazhin e Kastros në Lefkada të Greqisë janë shokuar kur deti nxori një pjesë të trupit të një njeriu në breg.
Sipas informacioneve të para të ilefkada.gr, pamjet kanë qenë makabër, pasi ka një gjysmë kufome nga mesi e poshtë dhe madje e veshur, që me shumë gjasë i përket një fëmije ka dalë në breg.
Në fillim, trupi u pikas nga fëmijët që kishin shkuar për të notuar dhe vrapuan në buzë të detit duke menduar se ishte një breshkë.
Oficerët e Rojës Bregdetare dhe policia kanë shkuar me shpejtësi në zonë në mënyrë që trupi të transportohet për ekspertizë mjeko-ligjore.
Vlerësimi i parë flet për një emigrant që ka humbur jetën në një mbytje anijeje.
