Kandidati nga koalicioni ‘Bashkë Fitojmë’ për Bashkinë e Kuçovës, Lefter Maliqi ka ankimuar në SPAK rezultatin e zgjedhjeve në Kuçovë, e cila sipas tij, ishte e manipuluar për shkak të shit-blerjes së votës.
Në një deklaratë për mediat pas denoncimit në SPAK, Maliqi tha se ka çuar të dokumentuara faktet që sipas tij janë “krime zgjedhore”.
“Për braktisjen e komisionit të zgjedhjeve, shkelje të shumta të procedurave dhe për ndërrrim kutish, votime në grup. Ka një sërë shkelje. Të gjitha këto shkelje janë të urdhëruara politikisht nga Çuçi dhe nga oligarkët. Këtë do ta çojë deri në fund. Të gjitha faktet janë të dokumentuara. Jam i bindur se këtu ka krim shtetëror dhe krim elektoral. Janë hedhur miliona euro për të blerë votat në bashkinë e Kuçovës”- tha Lefter Maliqi.
