Një aksident i rëndë është regjistruar mbrëmjen e sotme pranë mbikalimit të Patokut.
Nga përplasja e dy automjeteve në autostradën në drejtim të Laçit raportohet se kanë mbetur të plagosur 6 persona.
Mësohet se forca e përplasjes ka qenë tepër e lartë, saqë 4 nga të plagosurit janë dërguar për ndihmë mjekësore të specializuar në Spitalin e Traumës, ndërsa 2 të tjerë po marrin mjekim në spitalin e Laçit.
Në vendngjarje ndodhet grupi hetimor dhe policia Rrugore që po punojnë për të zbardhur shkaqet e aksidentit.
Më herët, në hyrje të Lezhës u shënua një tjetër aksident, ku një makinë përplasi për vdekje një këmbësor.
