Deputeti Flamur Noka komentoi nga foltorja e Kuvendit zgjedhjet vendore ku PS mori 53 bashki, ndërsa koalicioni “Bashkë Fitojmë” vetëm 7.
Noka akuzoi qeverinë Rama se votat janë blerë dhe të gjitha strukturat e shtetit u vunë në shërbim të PS që rilindja të merrte 100% pushtetin.
Deputeti tha se do t’i përgjigjen qeverisë Rama ashtu siç e meriton përgjigjen një bandë kriminale.
“Më 14 maj, në Shqipëri nuk kishte zgjedhje, por kishte thjesht një proces votimi. Të dielën konfirmuat se këtu nuk ekziston një demokraci. Dita e diel konfirmoi se ka një narko-regjim. U tregua se vija ndarëse mes partisë-pushtetit-shtetit nuk ekziston.
Shërbimi informativ, polici, ushtri, të gjithë ishin garnizonë i PS për të blerë procesin e quajtur zgjedhor, vetëm me kushtin që Rilinda të merrte 100% pushtetin.
Jeni duke e çuar shqipërinë në skajet e të pamundurës. Këto mekanizma që keni përdorur i përdor vetëm mafia, nuk ka vend në botë që përdor instrumente të tillë kriminal vetëm për të marrë bashkitë. Të burgosurit votuan 3-4 herë.
Rama e kjo qeveri nuk takohet asgjëkundi me votën e lirë. Bëhuni gati se do ju përgjigjemi siç i përgjigjet një regjimi kriminal dhe një bande kriminale, nuk ka më asnjë rrugë tjetër”- tha Noka.
