Gorge Soros po gërryen indin e qytetërimit. Kjo është një ndër akuzat e Elon Musk ndaj filantropit hebre, të cilin e ka krahasuar me Magneto-n, një personazh i Marvel-it.
Sulmi i papritur ndaj Sorosit i la shumë të habitur, por pak kohë u desh për të bërë lidhjen me vendimin e fondit të investimeve të filantropit për të shitur të gjitha aksionet e tij në Tesla, kompania e automjeteve elektrike të Musk.
Por kush është Magneto?
Magneto, emri origjinal i të cilit është Max Eisenhardt, është një personazh që u shfaq për herë të parë në faqet e X-Men në ’63. Ai është Zoti i Magnetizmit, i aftë të gjenerojë dhe kontrollojë fusha magnetike dhe të manipulojë metalet. Historia e tij është ajo e një hebreu të lindur në vitet 1920 në Nuremberg, Gjermani, i cili përjeton egërsinë e regjimit nazist në kampin e përqendrimit të Aushvicit. Personazhi është një nga mutantët më të fuqishëm në Tokë dhe lufton për të ndihmuar mutantët që të mos pësojnë një fat të ngjashëm me hebrenjtë dhe të persekutohen nga njerëzit.
Referenca e Marvel të sjell ndërmend komplotin e supozuar nga disa liderë të vendeve të Europës, sipas të cilëve Soros i përdori fondacionet e tij filantropike për të mbushur Evropën me refugjatë dhe për të korruptuar politikën amerikane.
Pse Musk e heq një paralele të tillë, e shpjegon në komentet që ka shkëmbyer mendjekësit.
“Ai dëshiron të gërryejë vetë strukturën e qytetërimit. Soros e urren njerëzimin”.
Musk e bleu Twitter-in për 44 miliardë dollarë në tetor. Në rrjetin social, ai u ka dhënë zë ekstremistëve, racistëve dhe antisemitëve, duke rikthyer në qarkullim akuza si ajo sipas të cilës Soros dhuroi një milion dollarë për prokurorin e qarkut të Nju-Jorkut dhe akuzuesin e Donald Trump.
