Arrestimi i kandidatit të Koalicionit ‘Bashkë Fitojmë’ në Himarë, Fredi Beleri, para zgjedhjeve duket se i ka motivuar më tepër qytetarët për të votuar.
Raportohet se në listat e votimit janë rreth 22.800 votues. Vihet re një numër shumë i madh emigrantësh që kanë ardhur për të votuar, me autobusë por edhe me makina të vogla, kryesisht me targa greke. Llogaritet te jenë rreth 1 mijë emigrantë.
Ndërkohë deri në orën 14:00, në Himarë kanë votuar 25.79% e zgjedhësve, krahasuar me 19.88% që kishin votuar në vitin 2021 gjatë kësaj fashe orari.
Kujtojmë se kandidati i koalicionit “Bashkë Fitojmë”, vijon të qëndrojë në qeli pas vendimit të Gjykatës së Vlorës, ndërkohë që dosja e tij pritet ti kalojë SPAK.
