Procesi i votimit është hapur në orën 07:00, por në disa bashki të ndryshme raportohen problematikat e para sa i takon identifikimit elektronik.
Në Qarkun Shkodër raportohet se në rreth 80 qendra votimi ka probleme me pajisjen PEI të identifikimit elektronik.
Probleme me paisjen e identifikimit elektronik raportohen dhe në disa qendra votimi në Durrës, ku burime bëjnë me dije se ka nisur në mënyrë manuale me lista identifikimi i qyetarëve.
E njëjta problematikë është shfaqur dhe në Kavajë, ndërkohë që vonesa në nisjen e votimit ka pasur në disa qendra në qytetin e Vlorës.
Sa i takon Elbasanit, ku po ashtu do të votohet në mënyrë elektronike, në një qendër votimit në Lagjen Vullnetari, komisionerët nuk kanë pasur kodin e hapjes së materialeve zgjedhore, dhe për këtë shkak votimi ka nisur me vonesë.
Edhe në disa qendra të tjera ka probleme me ndezjen e pajisjeve.
Probleme me pajisjen PEI ka pasur dhe në Tiranë, ku në 2 prej 6 qendrave të votimit në shkollën “Dora d’istria” nuk ka nisur ende votimi.
Në QV 1980, nuk është paraqitur operatori i PEI, po në këtë qendër janë ngatërruar pajisjet PEI me një tjeter QV.
