Presidenti Bajram Begaj ka falenderuar me anë të një statusi në Facebook të gjithë qytetarët të cilët morrën pjesë në zgjedhjet vendore këtë të diel të 14 majit. Gjithashtu ai ka bërë edhe një thirrje që personat që kanë përgjegjësinë e numërimit të votave ta kryejnë detyrën e tyre me profesionalizëm.
“Falenderoj të gjithë shqiptarët të cilët votuan sot me përgjegjësi e dinjitet, duke përmbushur kështu një të drejtë kushtetuese, por edhe një detyrim moral e qytetar ndaj vendit.
Në këtë moment të fillimit të numërimit të votave, si dhe të nxjerrjes së rezultateve, ju bëj thirrje të gjithë të përfshirëve në këtë proces që të kryejnë detyrën e tyre me përgjegjësi, ndershmëri e profesionalizëm, duke siguruar e garantuar vullnetin e shprehur me votë të qytetarëve shqiptarë.
Votuesit shqiptarë folën!
Është koha që vota e tyre të numërohet drejt dhe pa vonesë”.
